Бугунги кунда 130 га яқин давлатнинг 2,5 миллиард аҳолиси коронавирусга қарши вакцина олиш имконига эга эмас. Бу ҳақда ЖССТ раҳбари Тедрос Гебрейесус ва ЮНИСЕФ ижрочи директори Генриeтта Форнинг ҳамкорликдаги баёнотига таяниб, «Korrespondent.net» хабар берди.
«Ҳозиргача эмлашда қўлланилган 128 миллион дозадаги вакцинанинг тўртдан уч қисмидан кўпроғи фақат 10 та мамлакатда амалга оширилган, бу мамлакатлар кўрсаткичлари жаҳон ЯИМнинг 60 фоизига тўғри келади», — дейилади баёнотда.
Ташкилот раҳбарлари ушбу ҳолатни ҳаёт ва тирикликка хавф соладиган, вирусга мутацияга учраш ва эмланишдан ҳимояланишга қўшимча имконият берадиган ҳамда жаҳон иқтисодиётининг қайта тикланишига тўсқинлик қиладиган муваффақиятсиз стратегия деб атади.
Шу муносабат билан ЖССТ ва ЮНИСЕФ хавф гуруҳидагиларни эмлаб бўлган давлатларни COVAX механизми орқали препаратлар билан бўлишишга ва коронавирусга қарши вакциналар ишлаб чиқарувчиларни чекланган таъминотни адолатли тақсимлашга чақирди.
«COVID-19 бизнинг тақдирларимиз бир-бири билан чамбарчас боғлиқлигини кўрсатди. Ғалаба қозонамизми, мағлуб бўламизми, буни биргаликда бажарамиз», — дея хулоса қилди ташкилот раҳбарлари.
Аввалроқ ЖССТ экспертлари коронавирус юқтиришнинг тўрт хил йўлини аниқлагани ва коронавирусга қарши биринчи вакцина тасдиқлангани ҳақида хабар берилганди.
Мавзуга доир:
- ЖССТ экспертлари: COVID-19 2019 йил декабридан аввалроқ пайдо бўлган бўлиши мумкин
- Коронавирус лабораторияда яратилмаган. У одамга қандайдир ҳайвондан юққан бўлиши мумкин. Уханга бориб келган ЖССТ экспертлари ўз хулосаларини маълум қилди
- ЖССТ COVID-19’га қарши эмлаш бепуштликка олиб келишини рад этди
Изоҳ (0)