Avstraliyaning Adelaida shahrida sodir bo‘lgan yo‘l-transport hodisasi oqibatida oltita avtomobilga shikast yetdi. Keng ko‘lamli avariya serqatnov avtomagistralni kesib o‘tmoqchi bo‘lgan koala sabab yuzaga kelgan, deb yozadi Motor.
Koala oltita avtomobil ishtirokidagi YTH sababchisiga aylangan. Avariya oqibatida mashinalarning barchasiga biroz shikast yetgan, biroq hayvon yo‘lda baribir tirbandlikni yuzaga keltirgan. Harakat tiklanishini kutgan haydovchilardan biri — Nadya Tagvell xavfsizlik uchun koalani o‘z mashinasiga o‘tqizgan. Volontyorlar yetib kelguniga qadar hayvon avtomobil saloniga shu qadar o‘rganib qolganki, haqiqiy haydovchilardek rulga o‘tirib olgan.
Voqea joyiga yetib kelgan mutaxassislar koala biror jarohat olgan yoki olmaganini tekshirgan va uni tabiat qo‘yniga qo‘yib yuborgan. Shu bilan birga, Avstraliya hukumati avariya ishtirokchilarini kutilmaganda yo‘llarda paydo bo‘lib qolgan hayvondan qochish holati ancha jiddiy oqibatlarni yuzaga keltirishi mumkinligidan ogohlantirgan.
Avvalroq AQShda “uchib kelgan” toshbaqa avtomobilning old oynasiga urilib, unga tiqilib qolgani to‘g‘risida xabar berilgandi.
Izoh (0)