Австралиянинг Аделаида шаҳрида содир бўлган йўл-транспорт ҳодисаси оқибатида олтита автомобилга шикаст етди. Кенг кўламли авария серқатнов автомагистрални кесиб ўтмоқчи бўлган коала сабаб юзага келган, деб ёзади Motor.
Коалалар ўзининг ёқимли ташқи кўринишидан ташқари, секин ҳаракатланиши билан ҳам танилган. Ҳайвоннинг айнан шу жиҳати трассадаги ЙТҲларга сабаб бўлган. Коала автомобиллар серқатнов бўлган автомагистрални кесиб ўтишга қарор қилган. Шоссе бўйлаб ҳаракатланаётган машиналардан бирининг ҳайдовчиси йўлдаги ҳайвонни кўриб қолган ва тўқнашувдан қочишга уринган. Манёвр натижасида ҳайдовчи коалани айланиб ўтган, бироқ ҳаракатнинг қолган беш иштирокчиси буни олдиндан кўра билмаган.
Коала олтита автомобиль иштирокидаги ЙТҲ сабабчисига айланган. Авария оқибатида машиналарнинг барчасига бироз шикаст етган, бироқ ҳайвон йўлда барибир тирбандликни юзага келтирган. Ҳаракат тикланишини кутган ҳайдовчилардан бири — Надя Тагвелл хавфсизлик учун коалани ўз машинасига ўтқизган. Волонтёрлар етиб келгунига қадар ҳайвон автомобиль салонига шу қадар ўрганиб қолганки, ҳақиқий ҳайдовчилардек рулга ўтириб олган.
Воқеа жойига етиб келган мутахассислар коала бирор жароҳат олган ёки олмаганини текширган ва уни табиат қўйнига қўйиб юборган. Шу билан бирга, Австралия ҳукумати авария иштирокчиларини кутилмаганда йўлларда пайдо бўлиб қолган ҳайвондан қочиш ҳолати анча жиддий оқибатларни юзага келтириши мумкинлигидан огоҳлантирган.
Аввалроқ АҚШда «учиб келган» тошбақа автомобилнинг олд ойнасига урилиб, унга тиқилиб қолгани тўғрисида хабар берилганди.
Изоҳ (0)