Futbol bo‘yicha Afrika millatlari Kubogi finalida Marokash va Mali terma jamoalari 7-fevral, yakshanba kuni o‘zaro bahs yuritdi.
Unda Marokash terma jamoasi Sofyan Buftini va Ayub al-Kaabining gollari evaziga 2:0 hisobida g‘alaba qozonib, chempionlikni nishonladi. Shu tariqa Marokash chempionlik titulini himoya qila olgan ilk terma jamoaga aylandi. Jamoa 2018-yilda ham g‘oliblikni qo‘lga kiritgandi.
Yarim finalda Marokash terma jamoasi Kamerunni mag‘lub etgan (4:0), Mali esa penaltilar seriyasida Gvineyadan ustun kelgandi.
Uchinchi o‘rin uchun bahsda Gvineya terma jamoasi Kamerunni taslim etdi (2:0).
Ta’kidlash joiz, bu safargi musobaqada ko‘plab jamoalar Yevropa va boshqa kuchli chempionlarda to‘p suradigan legionerlardan foydalana olmadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)