Bolalik, o‘smirlik, yoshlik va yetuklik. Luka Modrichning 35 yillik hayoti suratlarda

Futbol olamida shunday o‘yinchilar borki, ular ham maydondagi, ham uning tashqarisidagi harakatlari bilan har doim e’tibor markazida bo‘lib kelgan. Biroq yana bir toifa ham mavjudki, ularning borligi maydonda bilinmasligi va ko‘rinmasligi mumkin, buning ustiga ular kundalik hayotda ham shu qadar kamtarona yashaydiki, bunga shunchaki hayratlanishning o‘zi kamlik qiladi. Lekin tan olish lozim, agar shu kamtarlar bo‘lmaganida yuqorida eslangan yulduzlar balki bu darajaga chiqmagan bo‘larmidi. Boisi, odatda aynan ular jamoaning o‘yinini belgilab beradi. Xorvatiyalik yarim himoyachi Luka Modrichni aynan mana shu soyadagi yulduzlar toifasiga kiritish mumkin bo‘lib, u o‘zining kamtarligi va oilaparvarligi bilan futbol olamidagi barcha stereotiplarni sindira olgan. Yillar hech kimni ayamaydi deganlaridek, ortda qolgan vaqt Lukaga ham ta’sir qilmay qolmadi. Buni quyidagi fotosuratlar ham aytib turibdi.

2021-yilning 9-sentabrida 36 yoshga to‘ladigan Modrich ayni paytda “Real”ning eng asosiy figuralaridan biri hisoblanadi va kamida yana ikki yil ushbu darajani ushlab qola qolishi mumkin.