Zohidjon Tojiboyev Andijon viloyat axborot va ommaviy kommunikatsiyalar boshqarmasiga yangi rahbar etib tayinlandi, deya xabar berdi “Daryo” muxbiri.
Ta’kidlanishicha, Zohidjon Tojiboyev mazkur lavozimga tayinlanguniga qadar viloyat axborot va ommaviy kommunikatsiyalar boshqarmasi bosh mutaxassisi vazifasida ishlagan.
U 1986-yil Qirg‘iziston Respublikasining O‘sh viloyatida tug‘ilgan bo‘lib, 2010-yil Andijon davlat universitetini tamomlagan. 2020-yilda O‘zbekiston Respublikasi Prezidenti huzuridagi Davlat boshqaruvi akademiyasini tugatgan.
Faoliyati davomida Respublika Ma’naviyat va ma’rifat markazi viloyat bo‘limi yetakchi mutaxassisi, viloyat Axborot va ommaviy kommunikatsiyalar boshqarmasi bosh mutaxassisi sifatida faoliyat olib borgan.
Eslatib o‘tamiz, avvalroq AOKAning Andijon viloyatidagi mas’uli, viloyat axborot va ommaviy kommunikatsiyalar boshqarmasi boshlig‘i Abdug‘ulom Sultonovning vafot etgani haqida xabar berilgandi.
Izoh (0)