Зоҳиджон Тожибоев Андижон вилоят ахборот ва оммавий коммуникациялар бошқармасига янги раҳбар этиб тайинланди, дея хабар берди «Дарё» мухбири.
Таъкидланишича, Зоҳиджон Тожибоев мазкур лавозимга тайинлангунига қадар вилоят ахборот ва оммавий коммуникациялар бошқармаси бош мутахассиси вазифасида ишлаган.
У 1986 йил Қирғизистон Республикасининг Ўш вилоятида туғилган бўлиб, 2010 йил Андижон давлат университетини тамомлаган. 2020 йилда Ўзбекистон Республикаси Президенти ҳузуридаги Давлат бошқаруви академиясини тугатган.
Фаолияти давомида Республика Маънавият ва маърифат маркази вилоят бўлими етакчи мутахассиси, вилоят Ахборот ва оммавий коммуникациялар бошқармаси бош мутахассиси сифатида фаолият олиб борган.
Эслатиб ўтамиз, аввалроқ АОКАнинг Андижон вилоятидаги масъули, вилоят ахборот ва оммавий коммуникациялар бошқармаси бошлиғи Абдуғулом Султоновнинг вафот этгани ҳақида хабар берилганди.
Изоҳ (0)