YouTube’dagi WhistlinDiese kanali mualliflari karetalarda foydalaniladigan g‘ildirak o‘rnatilgan 717 ot kuchiga ega Dodge Challenger SRT Hellcat’ni sinovdan o‘tkazdi. Konstruksiya yetarli darajada mustahkam bo‘lib chiqqan va nafaqat avtomobil og‘irligini ko‘targan, balki shahar bo‘ylab harakatga ham chidagan, deb xabar beradi Motor.
Alyuminiydan tayyorlangan va yupqa shinalar kiygizilgan g‘ildiraklar Challenger SRT Hellcat’ga o‘zgacha ko‘rinish bag‘ishlagan. Shahar bo‘ylab harakatlanish vaqtida rolik mualliflari supermarket va “Makdonalds”ga kirgan, ko‘chadagi odamlarning aksariyati avtomobilga e’tiborini qaratgan — ayrimlar mashinani suratga tushirgan bo‘lsa, ba’zilar loyiha haqida ma’lumot so‘ragan.
Avtomobil bir joyda turgan holda shinalarni qizdirish (“byornaut”) haqiqiy sinovga aylanib ketgan. “Rezinani yoqish” uchun shahar tashqarisiga chiqishga va asfaltlangan kichikroq yo‘l topishga to‘g‘ri kelgan. Avvaliga Challenger g‘ildiraklari ostidan tutun chiqa boshlagan, biroq shundan so‘ng pokrishka butunlay yo‘qolib ketgan, g‘ildirak omon qolgan bo‘lsa-da, yo‘lni chuqur tirnab tashlagan.
Dodge Challenger SRT Hellcat dunyodagi eng kuchli maslkarlardan biri hisoblanadi. U 717 ot kuchiga ega (881 Nm) 6,2 litrli V8 benzin dvigateli yordamida harakatga keladi. Bu kabi motor yordamida mashina soatiga 100 kilometr tezlikka 3,9 soniyada erishadi, maksimal tezligi — 320 km/soat.