Farg‘ona viloyati Rishton tumanida Tico haydovchisi yo‘l chetida harakatlanib ketayotgan piyodani urib yubordi. Bu haqda viloyat IIB axborot xizmati xabar berdi.
Ma’lum qilinishicha, 30-yanvar kuni X.A. ismli fuqaro Tico avtomobilini “Yuqori Avazboy” mahallasi hududida boshqarib ketayotib, yo‘l cheti bo‘ylab harakatlanayotgan piyodani urib yuborgan. Jabrlanuvchi olingan tan jarohatlari oqibatida shifoxonada vafot etgan.
Mazkur holat yuzasidan Rishton tumani IIB huzuridagi tergov bo‘linmasi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq Yashnobodda 38 yoshli fuqaroni Nexia urib ketgani, Uchko‘prikda Lacetti yo‘lni kesib o‘tayotgan ayolni urib yuborgani va piyoda voqea joyida vafot etgani to‘g‘risida xabar berilgandi.
Izoh (0)