YouTube’dagi DipYourCar kanali blogerlari termosezgir bo‘yoqning imkoniyatlari namoyish etilgan videorolik bilan bo‘lishdi. Bo‘yoq ozgina haroratga ham o‘zgaradi — hatto qo‘l bilan teginilganda ham. Yangi namunani namoyish etish uchun Audi A4 modelidan foydalanilgan.
Bu kabi bo‘yoqdan AQShda 1970-yillarda paydo bo‘lgan “kayfiyat g‘ildiragi”ni yaratishda foydalanilgan: ular termotrop suyuq kristallar hisobiga barmoqlar haroratiga qarab rangini o‘zgartiradi. Bu turdagi boshqa pigmentlardan farqli o‘laroq bo‘yoq juda sezgir va to‘rt-besh daraja atrofidagi diapazonda o‘zgarishga uchraydi, shuningdek, ko‘plab ranglar gammasiga ega.
Audi A4 kuzovini to‘liq qoplash uchun blogerlar sakkiz qavat bo‘yoqni qoplab, ularning har biri qurishini kutgan — suvli asos sabab bu uzoq vaqt talab etgan. Natijada to‘q kulrang Audi garajdan chiqishi bilan rangini o‘zgartirgan. Kuzov yashil, so‘ng ko‘k rangga kiradi va turli rangli dog‘lar paydo bo‘ladi: harakat vaqtida avtomobil muntazam rangini o‘zgartirgan.
Kanal mualliflari ularning maqsadi video olish bo‘lganini ma’lum qilgan: Audi’ni garajda saqlashmoqchi yoki u qayta bo‘yaladi, chunki qoplama tezda yaroqsiz holga kelishi mumkin. Bu kabi avtomobilda yo‘lda foydalanishdan oldin kuzovni qo‘shimcha lak bilan qoplash lozim.
Avvalroq YouTube’dagi DipYourCar kanali muallifi avtomobilini xuddi yulduzlar nur sochib turgan tungi osmon kabi bo‘yagani to‘g‘risida xabar berilgandi.
Izoh (0)