O‘zining peyzajlari bilan tanilgan Kaliforniyaning Big-Sur hududidan o‘tuvchi Highway federal avtomobil yo‘lini ko‘chki buzib yubordi. Shossening 50 metr uchastkasi tom ma’noda Tinch okeaniga yuvilib ketgan, deb yozadi Motor.
Yo‘l bilan bog‘liq ko‘ngilsiz hodisa 28-yavar kuni sodir bo‘lgan. Shosse ko‘chki xavfi sabab 26-yanvardan buyon yopib qo‘yilgani uchun tabiiy ofat oqibatida hech kim jarohatlanmagan.
Kaliforniya Transport vazirligi xodimlari hozircha yetkazilgan zararni baholamagan va transport qatnovlari qachon yo‘lga qo‘yilishini ma’lum qilmagan, biroq vayron bo‘lgan 50 metr hududni “qisqa vaqtlar ichida” ta’mirlashga va’da bermoqda. Hozirda haydovchilar US101 parallel avtomagistralidan foydalanishlari mumkin — u ancha uzun, tabiat manzaralari ham bunchalik ajoyib emas, biroq istalgan ob-havo sharoitida xavfsiz.
Mahalliy transport departamentining ta’kidlashicha, Highway 1 shossesisi joylashgan hududda tez-tez ko‘chkilar sodir bo‘lib turadi. Shu bilan birga, hukumat Tinch okeanini kuzatish mumkin bo‘lgan magistraldan voz kechish niyatida emas: shosse har yili ta’mirlanadi, 2017-yilgi seldan keyin esa 12 metrli loy qatlamini tozalashga to‘g‘ri kelgandi.
Izoh (0)