Samarqand va Kattaqo‘rg‘on tumanlarida qurilish-ta’mirlash ishlarini amalga oshirgan jamiyat rahbarlariga nisbatan jinoyat ishi qo‘zg‘atildi. Bu haqda Bosh prokuratura “Daryo”ga ma’lum qildi.
Ma’lum qilinishicha, Bosh prokuratura huzuridagi departamentning Samarqand viloyati boshqarmasi tomonidan o‘tkazilgan tergovga qadar tekshiruvda Samarqand tumanidagi 24-sonli umumiy o‘rta ta’lim maktabda “F.” MChJ tomonidan amalga oshirilgan ishlar o‘rganilgan. O‘zganish natijalariga ko‘ra, jamiyat rahbarlari smeta hujjatlarida ko‘rsatilgan qurilish-montaj ishlarini amalda to‘liq bajarilmasdan, ma’lumotlarni qo‘shib yozish orqali 631,7 million so‘m budjet mablag‘larini talon-toroj qilgani aniqlangan.
Viloyat boshqarmasi tomonidan o‘tkazilgan yana bir tergovga qadar tekshiruvda Kattaqo‘rg‘on tumanidagi uchta mahallada qurilgan suv chiqarish inshootida “N.” MChJ tomonidan amalga oshirilgan ishlar o‘rganilganda, jamiyat rahbarlari smeta hujjatlarida ko‘rsatilgan qurilish-montaj ishlarini amalda to‘liq bajarilmasdan, ma’lumotlarni qo‘shib yozish orqali 240,5 million so‘m budjet mablag‘larini talon-toroj qilgani ma’lum bo‘lgan.
Mazkur holatlar yuzasidan MChJ mansabdor shaxslari va boshqalarga nisbatan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) 3-qismi bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Buxoroda qabristonni obodonlashtirishga sarflanishi lozim bo‘lgan pullar talon-toroj qilingani yuzasidan prokuratura holatni o‘rganishni boshlagani to‘g‘risida xabar berilgandi.
Mavzuga doir:
- Angren shahar obodonlashtirish boshqarmasi sobiq rahbari 638 mln so‘mni talon-toroj qilgani aniqlandi
- Zangiotadagi bog‘cha mudirasi ishlamagan 37 kishining 983,5 mln so‘m oyligini o‘zlashtirgani aniqlandi
- O‘zbekistonda 2020-yilda 1723 nafar mansabdor shaxs jinoiy javobgarlikka tortilgani ma’lum bo‘ldi
Izoh (0)