O‘zbekiston—Tojikiston chegarasida 1-fevral, dushanba kuni Toshkent vaqti bilan soat 16:00 da zilzila qayd etildi, deya xabar bermoqda FVV Seysmoprognostik monitoring Respublika markazi.
Xabar berilishicha, zilzila episentri Toshkent shahridan 135 kilometr janubiy-g‘arbiy yo‘nalishdagi masofada joylashgan bo‘lib, o‘chog‘i 10 kilometr chuqurlikda, magnitudasi 3,3 ballga teng bo‘lgan.
Yerosti silkinishlari kuchi Guliston shahrida 2 ballni tashkil etgan.
Avvalroq 17-yanvar kuni O‘zbekistonning qator viloyatlarida uncha kuchli bo‘lmagan yerosti silkinishlari qayd etilgani, 11-yanvar kuni Farg‘ona vodiysi viloyatlarida zilzila sezilgani, 1-yanvar kuni Toshkent shahrida 3 ballik zilzila qayd etilgani, 22-yanvarda Qirg‘izistonda sodir bo‘lgan zilzila kuchi Farg‘ona va Andijon viloyatlarida sezilgani hamda shunday zilziladan yana biri 29-yanvar kuni Namanganda ham sezilgani haqida xabar berilgandi.
Izoh (0)