Fevral oyining boshi uchun harorat me’yoriy qiymatlardan 2-4 darajaga yuqori bo‘lgan juda iliq va kam bulutli bahoriy ob-havo bo‘ladi, deb xabar bermoqda “O‘zgidromet”.
Dushanba, 1-fevral kuni respublikaning ko‘plab viloyatlarida me’yorga yaqin bo‘lgan quruq va iliq ob-havo kuzatiladi. Faqat kunning birinchi yarmida Toshkent, Jizzax, Sirdaryo viloyatlarida yomg‘ir yog‘ishi ehtimoli saqlanib turadi. Havo harorati oxirgi kunga nisbatan pasayadi va 8-13 daraja iliqni tashkil etadi.
2-fevral kuni Turkmaniston orqali Kaspiy dengizidan nam havo massalari kirib kelishi hisobiga Buxoro, Navoiy, Samarqand viloyatlarida kechasi va ertalab biroz yomg‘ir yog‘ishi mumkin, Qashqadaryo, Surxondaryo viloyatlarida ba’zi joylarda yomg‘ir yog‘adi. Havo harorati kechasi 0-5 daraja iliq, kunduzi 10-15 daraja iliq atrofida bo‘ladi.
Ish haftasining oxirigacha yog‘ingarchilik kutilmaydi. Kechalari harorat 0-5 daraja iliq, kunduzi 10-15 daraja iliq atrofida bo‘ladi, juma kuni 14-17 darajagacha iliq bo‘ladi.
Hafta davomida respublikaning tog‘li hududlarida qor ko‘chish xavfi saqlanib turadi.
Izoh (0)