Toshkentdagi “Chilonzor buyum savdo kompleksi” AJda qurilishi rejalashtirilgan do‘konni 25 ming dollarga auksion orqali olib bermoqchi bo‘lgan bozor mas’uli va uning sherigi ushlandi. Bu haqda “Daryo”ga Bosh prokuratura axborot xizmati rahbari Hayot Shamsutdinov ma’lum qildi.
Bosh prokuratura huzuridagi Departament hamda DXXning Toshkent shahar boshqarmalari tomonidan o‘tkazilgan tezkor tadbirda “Chilonzor buyum savdo kompleksi” AJda do‘kon sotuvchisi bo‘lib ishlovchi N.R. fuqaro D.B.ning ishonchiga kirib, mazkur savdo kompleksi hududida qurilishi rejalashtirilgan savdo do‘konlaridan birini auksion savdosi orqali yutib olib berish masalasini bozor muhandisi A.S. orqali hal qilib berishi evaziga 25 000 dollar so‘ragan. Shundan 9 400 dollarini qo‘lga kiritib, qolgan 15 600 dollarini olgan vaqtida ashyoviy dalil bilan ushlangan.
Shundan so‘ng N.R.ning ko‘rsatuvlariga asosan tadbir davom ettirilganda “Chilonzor buyum savdo kompleksi” AJ kapital qurilish bo‘limi bosh muhandisi A.S. do‘kon sotuvchisidan 10 000 dollarni olgan paytida ashyoviy dalil bilan ushlangan.
Holat yuzasidan A.S. va N.R.ga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda Prezident sovg‘a qilgan xonadonga 10 ming dollar evaziga kadastr hujjati rasmiylashtirib berishni va’da qilgan shaxslar ushlandi
- Sirdaryoda 12 sotix yerni rasmiylashtirib berish uchun 1200 dollar talab qilgan qurilish bo‘limi boshlig‘i va uning o‘rtada vositachilik qilgan sherigi ushlandi
- Samarqandda bir gektar yer ajratib berish evaziga 30 ming dollar so‘ragan hokimlik xodimi qo‘lga olindi
- Andijonda sanoat zonasidan yer olib berishni va’da qilib, pora olgan sobiq kadastr xodimi qo‘lga olindi
Izoh (0)