Farg‘ona va Urganch shaharlari o‘rtasida muntazam aviaqatnov yo‘lga qo‘yiladi. Bu haqda Uzbekistan Airways matbuot xizmati xabar berdi.
Dastlabki reyslar 3 va 6-fevral kunlari amalga oshiriladi, 11-fevraldan boshlab esa parvozlar muntazam ravishda payshanba va shanba kunlari amalga oshiriladi.
“Gazeta.uz”ning ma’lum qilishicha, parvozlar A320 samolyotlarida amalga oshiriladi.
Turizmni rivojlantirish maqsadida Farg‘ona vodiysi shaharlari va O‘zbekistonning tarixiy shaharlari o‘rtasida aviaqatnovlarni yo‘lga qo‘yish rejalari 2020-yil bahorida, koronavirus pandemiyasi sababli mamlakatda ommaviy cheklovlar joriy etilishidan avval ma’lum qilingandi.
Ayni paytda barcha ishki reyslar Toshkentdan amalga oshiriladi. Ilgari O‘zbekistonning ko‘plab shaharlari muntazam aviaqatnovlar bilan bog‘langan bo‘lgan.
2020-yilning boshlarida arzon tariflarda mamlakat ichki parvozlarini yo‘lga qo‘yishi lozim bo‘lgan Humo Air davlat aviakompaniyasi tashkil etilgan edi. Ushbu aviakompaniyaga “An-2” rusumli 43 ta samolyot o‘tkazib berilgan.
Mavzuga doir: Farg‘ona vodiysidan Xorazmga aviaqatnov yo‘lga qo‘yiladi
Izoh (0)