2020-yilda O‘zbekistondagi IT-parklarning 5 ta filiali va 107 ta raqamli texnologiyalar o‘quv markazida 10 ming nafar yosh o‘qitildi. Bu haqda 27-yanvar, chorshanba kuni Prezident Shavkat Mirziyoyev raisligida o‘tkazilgan yig‘ilishda ma’lum qilindi, deya xabar bermoqda “Daryo” muxbiri.
Davlat rahbarining ta’kidlashicha, 2021-yilda “Bir million dasturchi” loyihasi doirasida 105 ming nafar yosh IT-texnologiyalar bo‘yicha onlayn o‘qitiladi.
“Shu yil har bir tumandagi kamida bittadan maktabda informatikaga ixtisoslashgan maktablarning IT-to‘garagini tashkil etib, 50 ming nafar yuqori sinf o‘quvchilarini jalb qilamiz. ‘Bir million dasturchi’ loyihasi doirasida esa 2 mingdan ortiq maktabning 50 ming nafar o‘quvchisi hamda 44 ta oliy o‘quv yurtining 55 ming nafar talabasi IT-texnologiyalar bo‘yicha onlayn o‘qitiladi.
Shuningdek, yil davomida yana 100 ta raqamli texnologiyalar o‘quv markazi tashkil etilib, 20 ming nafar yoshning dasturlash va axborot texnologiyalari sohasida innovatsion tadbirkorlikka o‘qitish yo‘lga qo‘yiladi”, — dedi Shavkat Mirziyoyev.
Prezident mazkur rejalarni amalga oshirish bo‘yicha mas’ul vazirliklar rahbarlariga topshiriq berdi.
Mavzuga doir:
- Namanganda bir kunda 12 ta IT-School o‘quv maktabi ochildi
- O‘zbekistonda o‘quvchisi “Bir million dasturchi” kursini muvaffaqiyatli yakunlagan maktab o‘qituvchilarini mukofotlash yo‘lga qo‘yiladi
- O‘zbekiston maktablarida 5-sinfdan boshlab o‘qitilayotgan informatika fani takomillashtiriladi
- “Bu ishlarni kelgusi 2-3 yilda to‘liq amalga oshirmasak, har bir kechikkan yilimiz mamlakatimizni 10 yil orqaga tortadi” — Shavkat Mirziyoyev IT’ni rivojlantirish haqida
Izoh (0)