Xonanda va aktrisa Selena Gomes o‘zining Rare Beauty nomli go‘zallik kompaniyasi tomonidan ilk atir — Rare Eau de Parfum’ni taqdim etdi. Shu paytgacha brend dekorativ kosmetika vositalari ishlab chiqarishga ixtisoslashgan edi.
Yangi atir 2025-yil 7-avgustdan boshlab RareBeauty.com va Sephora do‘konlarida sotuvga chiqadi. 50 ml flakon narxi 75 AQSh dollarini tashkil qiladi. Uning sayohat uchun mo‘ljallangan 10 ml varianti ham mavjud.
Selena Gomes ushbu iforni yaratishda shaxsan o‘zi ishtirok etgan. Xonanda bundan avval 20 dan ortiq turli variantlarni sinab ko‘rgan. Atir flakoni sodda va ergonomik jihatdan qulay tarzda ishlangan. Dizaynerlar jamoasi uni og‘ir kasallik yoki mushaklari zaif bo‘lgan insonlar ham osongina ochib ishlata olishiga alohida e’tibor bergan.
Rare Beauty yaqin yillarda o‘z faoliyatini kengaytirib, yangi turdagi kosmetika mahsulotlarini ishlab chiqarishni yo‘lga qo‘yishni rejalashtirgan. Brend 2023-yilda 370 million dollar daromad ko‘rgan bo‘lsa, hozirda ushbu ko‘rsatkich 2 milliard dollardan ortiqni tashkil qilmoqda. Atir savdosidan tushgan daromadning bir qismi esa Selena Gomes tomonidan tashkil etilgan Rare Impact Fund jamg‘armasiga yo‘naltiriladi.
Izoh (0)