58 yoshli afsonaviy sportchi Mayk Tayson tarixdagi eng buyuk to‘rt nafar bokschi kim ekanini aytdi. Bu haqda Championat nashri xabar berdi.
Sobiq jahon chempioni SecondsOut nashri bilan suhbatda quyidagicha fikr bildirdi:
Boks tarixidagi eng kuchli sportchilar? Men uchun Jek Dempsey, Sonni Liston, Muhammad Ali va Jorj Forman eng kuchli bokschilar hisoblanadi.
- Jek Dempsey 1913-yildan 1927-yilgacha faoliyat yuritgan. U bu davr mobaynida jami 73 ta jang o‘tkazib, 58 g‘alaba, 6 mag‘lubiyat qayd etgan, 9 jang esa hakamlar qaroriga ko‘ra durang bilan yakunlangan. Dempsey 1919–1926-yillar davomida og‘ir vazn toifasida jahon chempioni bo‘lgan.
- Sonni Liston 1953–1970-yillarda professional ringda jang qilgan. U jami 54 ta jang o‘tkazgan bo‘lib, ularning 50 martasidata g‘alaba qozongan (39 KO), 4 ta jangda esa imkoniyatni boy bergan. Liston 1962–1964-yillar oralig‘ida og‘ir vazn toifasida jahon chempionli unvoniga egalik qilgan.
- Jorj Forman faoliyati davomida 81 ta jang o‘tkazgan bo‘lib, ulardan 76 tasida zafar quchgan (68 KO), yana 5 ta jangda mag‘lubiyatga uchragan.
- Muhammad Ali butun faoliyati davomida 61 marta jang qilgan. Shulardan 56 tasida g‘alaba qozongan (37 KO) bo‘lsa, 5 jangda imkoniyatni boy bergan. U og‘ir vazn toifasida uch marta jahon chempioni bo‘lgan.
Ma’lumot uchun, Mayk Tayson 20 yoshida jahon chempioni unvoniga ega chiqib, og‘ir vazn toifasida chempionlikni qo‘lga kiritgan eng yosh bokschi sifatida tarixga kirgan. U faoliyati davomida 58 ta jang o‘tkazgan. Shularning 50 martasida g‘alaba qozongan (44 KO). 6 ta jangda imkoniyatni boy berga bo‘lsa, yana ikki bahs natijasi bekor qilingan. Tayson oxirgi jangini 2024-yilning noyabr oyida mashhur bloger Jek Polga qarshi o‘tkazib, hakamlar qarori bilan mag‘lubiyatga uchradi.
Izoh (0)