Futbol bo‘yicha Angliya Premyer Ligasining 20-turida “Manchester Yunayted” 27-yanvar, chorshanba kuni “Sheffild Yunayted”ni qabul qildi.
Uchrashuvning 23-daqiqasida mehmonlar Kin Brayanning golidan keyin oldinga o‘tib oldi. 64-daqiqada Harri Maguayr hisobni tenglashtirdi. Oradan o‘n daqiqa o‘tib Oliver Berk manchesterliklar himoyasidagi tartibsizlikdan unumli foydalandi va “Sheffild”ning ikkinchi golini urdi. Qolgan vaqt Ole-Gunnar Sulsher shogirdlarining kuchli bosimi ostida o‘tdi, biroq maydon egalari vaziyatni o‘nglay olmadi.
Shu tariqa “Manchester Yunayted” 40 ochko bilan 2-o‘rinda qoldi va “Manchester Siti”ni (41) ortda qoldirish imkoniyatini ko‘kka sovurdi. “Sheffild” esa mavsumdagi ikkinchi g‘alabasini qo‘lga kiritdi, jamoa 8 ochko bilan so‘nggi o‘rinda bormoqda.
Yana bir uchrashuv “Everton” va “Lester” jamoalari o‘rtasida kechdi. Avvaliga Xames Rodriges mersisaydliklarni oldinga olib chiqqan bo‘lsa, bunga “tulkilar” Yuri Tilemansning goli bilan javob qaytardi.
APL
20-tur bahslari
27-yanvar, chorshanba
“Manchester Yunayted” — “Sheffild Yunayted” 1:2
Gollar: 0:1 – 23 Brayan, 1:1 – 64 Maguayr, 1:2 – 74 Berk.“Manchester Yunayted”: De Xea, Tuanzebe (van de Bek, 83), Telles (Shou, 82), Maguayr, Uan-Bissaka, Pogba, Brunu Fernandesh, Matich, Reshford, Grinvud (Kavani, 66), Marsyal.
“Sheffild Yunayted”: Remsdeyl, Ampadu, Jagelka, Bashem, Boldok, Norvud, Flek, Landstryom, Brayan (Bogl, 53), Makgoldrik (Bryuster, 80), Sharp (Berk, 70).
Ogohlantirishlar: Landstryom (40), Tuanzebe (45).
“Everton” — “Lester” 1:1
Gollar: 1:0 – 30 Xames, 1:1 – 67 Tilemans.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)