UFC sobiq chempioni Jorj Sen-Pyer ikki vazn toifasida promoushen sobiq chempioni Konor Makgregor va Dastin Porye o‘rtasidagi jang haqida fikr bildirdi.
UFC 257 musobaqasining asosiy jangida amerikalik yakkakurashchi raqibini ikkinchi raundda nokautga uchratib, g‘alabaga erishdi.
“Konor g‘alaba qozonadi deb o‘ylagandim, biroq adashgan ekanman. Juda hayron qoldim.
O‘ylashimcha, Konorning kuchli tomonlaridan biri shundaki, uning raqib qarshisida turishiyoq ko‘plab jangchilarni qo‘rquvga soladi. Ko‘plab yakkakurashchilar Konorning gaplari va o‘zini tutishidan bosimga uchrab, sinib qoladi, Porye esa bunga dosh bera oldi. Bu uning naqadar yaxshi ekanligiga yana bir isbot.
Endi Makgregor qay tariqa qaytishini ko‘rish qiziqardi. U bu mag‘lubiyatdan nari keta olishiga ishonaman. U muvaffaqiyatsizlikka sabab bo‘lgan jihatlarini o‘zgartirish kerak”, — deydi Sen-Pyer.
UFC 257 janglari videolarni bu yerda ko‘rish mumkin — havola.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)