UFC prezidenti Habib Nurmagomedov qaytmaydigan bo‘lsa, yengil vazn chempionligi uchun kimlar jang qilishini aytdi

UFC prezidenti Deyna Uayt promoushenning yengil vazn toifasi chempionligi uchun kimlar jang qilishini ma’lum qildi.

Agar Habib Nurmagomedov UFC’ga qaytmaydigan bo‘lsa, u holda chempionlik kamari vakant bo‘ladi. Chempionlik uchun esa Dastin Porye hamda Maykl Chendler jang qiladi.

“Agar Habib ketsa, Porye va Chendler kamar uchun jang qiladi”, — deya e’lon qildi Uayt UFC 257 musobaqasidan keyingi matbuot anjumanida.

Eslatib o‘tamiz, Toshkent vaqti bilan 24-yanvar tongida Abu-Dabida UFC 257 musobaqasi o‘tkazildi. Yengil vazn toifasi vakili Dastin Porye raqibi Konor Makgregorni 2-raunddayoq nokautga uchratdi. Ushbu vaznda UFC’dagi debyutini o‘tkazgan Maykl Chendler esa raqibi Den Hukerni 1-raunddayoq nokautga uchratib, g‘alabani qo‘lga kiritdi. Mavzuga doir:

• Konor Makgregorga qarshi 3-jang bo‘ladimi? Dastin Porye javob berdi
• Konor Makgregor: “Bunday kuchli oyoq zarbalariga duch kelmagandim”
• Habib Nurmagomedov UFC 257 haqida: “Men bu yigitlardan bir bosh ustunman”
• UFC 257 musobaqasining bonus egalari ma’lum bo‘ldi. Ular orasida Mahmud Murodov ham bor