UFC chempionlik kamarining narxi 650 dollar turadi. Bu haqda New York Times AQSh sobiq prezidenti Donald Trampning moliyaviy hisobotlarini oshkor qilgach ma’lum bo‘ldi.
2018-yilning avgust oyida UFC yarimo‘rta vazn toifasining sobiq vaqtinchalik chempioni Kolbi Kovington Trampga kamar sovg‘a qilgandi.
“Tramp juda zo‘r odam. U meni chempion deb atadi. Unga hozirgina kamarni topshirdim, u darhol kamarni menga qaytarmoqchi bo‘ldi. Unga shunday dedim: ‘yo‘q janob prezident, endi bu kamar sizniki. Siz Amerika xalqi chempionisiz. Siz bu yurtga buyuklikni qaytarasiz’”, — degandi Kovington.
Kovington 2012-yildan buyon MMA’da faoliyat yuritadi. So‘nggi bor 2020-yilning sentabrida jang qilgan va unda Tayron Vudlini mag‘lubiyatga uchratgandi. Uning hisobida jami 16 g‘alaba va 2 mag‘lubiyat bor.
Izoh (0)