Abu-Dabida (BAA) bo‘lib o‘tadigan UFC 257 musobaqasida ikkita jang bekor qilindi.
Rossiyalik yakkakurashchi Arman Sarukyan prelim kardda Nusrat Haqparast bilan jang qilishi kerak edi. Biroq Sarukyaning raqibi sog‘lig‘idagi muammolar tufayli vazn o‘lchash marosimiga kela olmadi va ular o‘rtasidagi jang bekor qilindi.
Asosiy karddan o‘rin olgan Mett Frivola va Ottman Azaytar o‘rtasidagi bellashuv esa marokashlik jangchining koronavirus bilan bog‘liq qoidalarni buzganligi sabab UFC’dan chetlatilishi tufayli bekor bo‘ldi.
UFC bu vaziyatdan chiqishning o‘ziga xos yo‘lini topdi. Har ikki bellashuv yengil vazn toifasi vakillari o‘rtasida bo‘lgani bois, raqibsiz qolgan Sarukyan va Frivola o‘zaro jang qiladigan bo‘ldi. Ularning jangi prelim karddan o‘rin oldi.
Bu voqealar tufayli UFC 257 musobaqasi doirasidagi Mahmud Murodov va Endryu Sanchches o‘rtasidagi jang asosiy kardga ko‘chirildi. Musobaqa Toshkent vaqti bilan 24-yanvar tonggi soat 05:00 da boshlanadi. Asosiy kard janglari esa 08:00 da boshlanishi kutilmoqda.
Izoh (0)