UFC jangchisi Ottman Azaytar koronavirus xavfsizligi bo‘yicha qoidalarni buzganligi sabab promoushendan chetlatildi.
UFC prezidenti Deyna Uaytning ma’lum qilishicha, UFC 257 da ishtirok etishi kerak bo‘lgan marokashlik yakkakurashchi “Jangchilar oroli”ga do‘stini olib kirishga uringan.
U va uning jamoasi o‘z tasmalarini yulib, “Jangchilar oroli”dan tashqarida bo‘lgan o‘sha kishiga bergan. Bu yigit to‘rtta ayvondan o‘tib, izolyatsiyalangan hududga kirgan va Azaytarning xonasida bo‘lgan. Keyin kiyimini almashtirib, maxsus hududni tark etgan. Hammasi kuzatuv kameralariga tushgan, biz barchasini ko‘rdik. Azaytarning jangini bekor qildik va uni chetlatdik.Azaytar UFC 257 musobaqasida Mett Frivola bilan jang qilishi belgilangandi. Biroq ular o‘rtasidagi jang bekor qilingan. Frivolaga qarshi esa Arman Sarukyan jang qiladi. Avvalroq Sarukyanning raqibi vazn o‘lchash marosimiga kelmagani bois, musobaqadan chetlatilgandi.Deyna Uayt, UFC prezidenti
Azaytar UFC’da 2019-yilda debyut qilgan. Bu vaqt ichida ikki jang o‘tkazib, ularda g‘alaba qozongan. Umumiy hisobda MMA’da 13 ta jang o‘tkazgan yakkakurashchi ularning barchasini g‘alaba bilan yakunlagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)