Rossiya futbol ittifoqi (RFS) Etika qo‘mitasi “SKA-Xabarovsk” bosh murabbiyi Sergey Yuranni o‘zbekistonlik futbolchi Oston O‘runovning yoshi haqidagi gaplari uchun 250 ming rubl miqdorida jarima tortildi. Bu haqda “Chempionat” xabar qilmoqda.
Avvalroq mutaxassis “Spartak” yarim himoyachisi O‘runov aslida 4-5 yoshga katta ekani haqida gapirgandi.
Shundan keyin O‘zbekiston futbol assotsiatsiyasi Yurandan ushbu asossiz gaplar uchun kechirim so‘rashni, RFSdan esa mutaxassisga nisbatan chora ko‘rishni so‘ragandi.
Mavzuga doir:
- O‘zbekiston Superligasining eng yosh futbolchisi aslida ikki yoshga katta ekani ma’lum bo‘ldi. Unga hozircha hech qanday jazo tayinlanmagan
- Odil Ahmedov Oston O‘runovning yoshi kichraytirilganligi haqidagi gaplarga javob qaytardi
- Andrey Fyodorov Sergey Yuranning gaplari haqida: “O‘zbekistonda yoshi kichraytirilgan futbolchilar bo‘lgan, lekin Oston O‘runov borasida hech kim anig‘ini bilmaydi”
O‘runov Rossiya chempionati 2020/21-yilgi mavsumida 8 ta o‘yinda maydonga tushdi (bir marta asosiy tarkibda) va birorta ham samarali harakat amalga oshira olmadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)