UFC promousheni 20-yanvar, chorshanba kuni Abu-Dabidagi “Jangchilar oroli”da 2021-yil hisobidan ikkinchi musobaqasini o‘tkazadi.
UFC Fight Island 8 musobaqasi doirasida o‘zbekistonlik sportchi Zarruh Adashev (3-2) ham oktagonga chiqadi. Zarruhga UFC’dagi ikkinchi jangida xitoylik Su Mudaerji (13-4) raqiblik qiladi.
Ta’kidlash joiz, ushbu turnirda, shuningdek, Habib Nurmagomedovning amakivachchasi Umar Nurmagomedov (12-0) UFC’dagi debyutini jangini o‘tkazadi. Unga ushbu jangda qozog‘istonlik tajribali sportchi Sergey Morozov (16-3) raqib bo‘ladi.
Musobaqaning asosiy jangida esa yarim o‘rta vazn vakillari Maykl Kyeza (17-4) va Nil Magni (24-8) o‘zaro hisob-kitob qiladi.
Janglar Toshkent vaqti bilan 19:00 da boshlanadi. Musobaqani O‘zbekiston telekanallari translyatsiya qilmaydi.
Barcha janglarni mana bu havola orqali tomosha qilish mumkin — VIDEO.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)