Nurmagomedovlar oilasining do‘sti va sharhlovchi Ramazon Rabadanov UFC chempioni Habib Nurmagomedovning oktagonga qaytishi haqida xabarlarga sharh berib o‘tdi.
Habibning harakatlari — katta o‘yin, yopiq siyosat, bu orqali u Uaytdan foydalanmoqda. Bu katta biznes.Eslatib o‘tamiz, 2020-yilning 24-oktabr kuni Abu-Dabidagi (BAA) “Jangchilar oroli”da bo‘lib o‘tgan musobaqa asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.Habibning ortida shunday kuchlar borki, hatto 100 million ham maqsad bo‘la olmaydi. Bu boshqa daraja. Oraga Rossiyaning qiziqishlari aralashgan. Xursand bo‘lmang, Habibning qaytishi bo‘lmaydi.
Nurmagomedov o‘ziga va o‘zining so‘zlariga jiddiy qaraydi. U bir necha o‘n million yoki shuhratni deb o‘z va’dasi va so‘zidan qaytmaydi.
Habibning harakatlaridan shuni sezish mumkinki, u kamarni iloji boricha ko‘proq o‘zida saqlab qolmoqchi. Nima uchun? Yaqin safdoshi Islom Maxachev titulga yana-da yaqin kelishi uchun. Keyin Habib xotirjam qalb ila uni o‘z do‘stiga topshiradi.
Ramazon Rabadanov, sharhlovchi
Avvalroq UFC prezidenti Deyna Uayt rossiyalik yakkakurashchi bilan uchrashdi. Funksionerning so‘zlariga ko‘ra, yaqin haftalar ichida Habibning raqobatchilari qandaydir fenomenal narsa ko‘rsata olsa Nurmagomedov qaytish masalasini o‘ylab ko‘radi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)