“Liverpul” Premyer Liga 19-turidan o‘rin olgan 17-yanvar kungi bahsda “Manchester Yunayted” bilan durang o‘ynadi (0:0).
Yurgen Klopp qo‘l ostidagi jamoa Angliya chempionatida ketma-ket uch o‘yindan buyon gol ura olmayapti. Avvalroq “Liverpul” “Sauthempton”ga yutqazgan (0:1) va “Nyukasl” bilan durang o‘ynagandi (0:0).
Bu “qizillar” uchun Premyer Ligada 2005-yildan (fevral-mart oylarida) keyingi eng yomon golsiz seriya hisoblanadi. O‘shanda jamoani Rafael Benites boshqarib borardi.
“Liverpul” APLdagi keyingi o‘yinini “Byornli”ga qarshi o‘tkazadi. Uchrashuv 21-yanvar kuni bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)