Qashqadaryo viloyati hokimi Zoir Mirzayev “A’lo xizmatlari uchun” ko‘krak nishoni bilan taqdirlandi. Nishonni Prezident maslahatchisi Tursinxon Xudoyberganov topshirdi.
Bu haqda xabar bergan viloyat hokimligi axborot xizmatining yozishicha, ko‘krak nishoni Shahrisabz shahridagi Temurbeklar maktabi ochilishida topshirilgan.
“Daryo” muxbiri bilan suhbatlashgan Zoir Mirzayevning matbuot kotibi Ahror Sodiqovning ma’lumot berishicha, viloyat hokimi mazkur nishonga qadar 2008-yil “Mehnat shuhrati” ordeni, Mustaqillikning 15, 20 va 25 yilligi ko‘krak nishoni, Milliy gvardiyaning “Namunali xizmatlari uchun” ko‘krak nishoni, “O‘zbekiston Respublikasi qishloq xo‘jaligi fidoyisi” ko‘krak nishonlari bilan taqdirlangan.
Izoh (0)