“Barselona” hujumchisi Lionel Messi Ispaniya Superkubogi finalida jamoasiga yordam berolmasligi mumkin.
33 yoshli argentinalik futbolchi 14-yanvar kuni tibbiy ko‘rikdan o‘tgan. Ayrim manbalarning xabar qilishicha, futbolchining mushaklarida yorilish yuzaga kelgan. Bu o‘z tasdig‘ini topadigan bo‘lsa, Messi o‘n kun mobaynida maydonga tusha olmaydi, deya xabar qilmoqda AS.
“Barselona” futbolchining final o‘yinida ishtirok eta olishiga shubha bilan qaramoqda. Messining maydonga tushish masalasi o‘yin boshlanishiga bir necha soat qolganda hal qilinadi.
Superkubok finali 17-yanvar, yakshanba kuni bo‘lib o‘tadi. Unda “Barselona” Bilbaoning “Atletik” jamoasiga qarshi maydonga chiqadi.
Eslatib o‘tamiz, Messi jarohat sabab “Real Sosyedad”ga qarshi kechgan yarim final o‘yinini (1:1, penaltilar seriyasi 3:2) ham o‘tkazib yuborgandi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)