Futbol bo‘yicha Ispaniya Superkubogining yarim finalida “Real” va “Atletik B” jamoalari 14-yanvar, payshanba kuni o‘zaro bahsga kirishdi.
Uchrashuv madridliklarning ustunligi bilan boshlandi, biroq birinchi bo‘limdagi ikkita gol bilbaoliklar tomonidan urildi. 18-daqiqada Lukas Vaskesning to‘p uzatishdagi xatosidan keyin yuzaga kelgan hujumni Raul Garsiya gol bilan yakunladi. 38-daqiqada Raul Garsiya penaltini aniq ijro etgan holda, o‘zining va jamoasining ikkinchi golini urdi.
Ikkinchi bo‘limni ham “Real” futbolchilari faol boshladi, ketma-ket hujumlar 73-daqiqaga kelib o‘z samarasini berdi. Karim Benzema qanotdan uzatilgan to‘pni yaqin masofadan darvozaga joylab qo‘ydi. Qolgan vaqtda hisob o‘zgarmadi va madridliklar musobaqa bilan xayrlashdi.
Shu tariqa finalda “Barselona” va “Atletik B” o‘zaro to‘qnash keladigan bo‘ldi. O‘yin 17-yanvar kuni bo‘lib o‘tadi.
Ispaniya Superkubogi
14-yanvar, payshanba
“Real Madrid” — “Atletik B” 1:2
Gollar: 0:1 – 18 Raul Garsiya, 0:2 – 38, penalti Raul Garsiya, 1:2 – 73 Benzema.“Real Madrid”: Kurtua, Varan (Nacho, 46), Mendi, Ramos, Vaskes, Kroos, Modrich (Valverde, 67), Azar (Vinisius Junior, 67), Kazemiro, Asensio, Benzema (Mariano Dias, 88).
“Atletik B”: Unai Simon, Balensiaga (Morsilo, 79), Martines, Kapa (Lekue, 68), De Markos, Raul Garsiya (Vilyalibre, 79), Vensedor (Vesga, 68), Muniain (Berenger, 71), Dani Garsiya, Nunyes, Uilyams.
Ogohlantirishlar: Vaskes (37), Kapa (56), Kroos (83), Dani Garsiya (84), Unai Simon (88).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)