Yaponiyadagi Blaze firmasi tashqi ko‘rinishi bilan o‘tgan asr mashinalariga o‘xshash EV Classic avtomobilini namoyish etdi, deb xabar beradi Motor. Elektromotorga ega mitti model narxi 880 ming iyena (8,4 ming dollar) bo‘lib, bu pulga yangi Nexia-3 xarid qilish mumkin.
Bir o‘rindiqli elektrokar og‘irligi 200 kilogrammni tashkil etadi: uzunligi 2330 millimetr, eni — 1170 millimetr, balandligi — 1160 millimetr.
Blaze dizaynerlari maksimal darajada eski avtomobillarga o‘xshashlikni yaratishga uringan: EV Classic uzun kapot, simli kegaylarga ega nisbatan yirik g‘ildirak va yorug‘lik diodli doirasimon faralarga ega bo‘lgan. Shuningdek, jamlanmadan zamonaviy tormozlar o‘rin olgan.
Elektrokar to‘rtta ot kuchi va 28 Nm aylanuvchi momentga ega motor yordamida harakatga keladi. EV Classic’ning maksimal tezligi soatiga 50 kilometrni tashkil etadi, 20 kilogrammli akkumulyator esa bir marta quvvatlanish orqali 50 kilometr masofa bosishni ta’minlaydi. Noldan 100 foizgacha quvvatlantirish uchun sakkiz soat kerak bo‘ladi.
Elektromobil to‘rt xil rangda taqdim etiladi: kumushrang, qora, to‘q yashil va qizil. Qo‘shimcha to‘lov evaziga maxsus g‘ilof, qo‘shimcha akkumulyator, o‘zgaruvchan tok uchun adapter kabi aksessuarlarni ham xarid qilish mumkin. EV Classic’ni faqat Yaponiyada buyurtma qilsa bo‘ladi.
Avvalroq “KamAZ” o‘zining birinchi elektromobili — “Kama-1”ni taqdim etgani, “Oka”ga o‘xshash model Tesla’dan uch barobar arzon bo‘lishi to‘g‘risida xabar berilgandi.
Izoh (0)