IIV YHXBB boshlig‘i o‘rinbosari Erali Bozorov maxsus avtomatlashtirilgan foto va video qayd etish moslamalari bugungi kunda to‘liq ishlayotganini ma’lum qildi, deb xabar beradi “Kun.uz”.
“To‘g‘ri, oldinroq bu borada ozgina muammolar bo‘lgan edi. Bu muammolar hozirgi kunda yechilgan. Hozirgi kunda birorta ham sertifikatdan o‘tkazilmagan qoidabuzarlikni aniqlash moslamalaridan foydalanilmayapti. Avvalroq tezlikni o‘lchash (radar) moslamalarida muammo paydo bo‘lgan edi. Ayni paytda ushbu fotoradar moslamalari ishlatilmayapti hamda yo‘llarda o‘rnatilgan radarlar bugungi kun talabiga mos keladi”, — deydi Erali Bozorov.
Eslatib o‘tamiz, 2020-yilning oktabrida Toshkent shahri chorrahalariga Shveysariya kompaniyasi tomonidan o‘rnatilgan qoidabuzarliklarni qayd etuvchi videokuzatuv moslamalarining litsenziyasi tugagani to‘g‘risida xabar berilgandi. Keyinroq IIV Toshkent hokimligining poytaxt ko‘chalaridagi kameralar litsenziyasi tugagani to‘g‘risidagi xabarini rad etib, litsenziyalar muayyan muddatga emas, balki umrbod berilganini ma’lum qilgandi.
Izoh (0)