Kaliforniyaning Bisimoto Engineering kompaniyasi Gemraniyaning Acronym brendi hammuassisi Errolson Xyu va rassom Xizil Salim bilan birgalikda 1970-yillarning mashhur modeli — Porsche 935 Moby Dick’ni qayta yaratish ustida ish olib bormoqda, deb yozadi Esquire.
Moby X nomini olgan va hozirda uni yaratish ishlari olib borilayotgan model 935L’ning to‘liq elektr energiyasida harakatlanuvchi versiyasi bo‘ladi. Yangilangan modelga yangi old panel, ulkan “obves” va modernizatsiyaga uchragan yorug‘lik diod faralari o‘rnatiladi, bu avtomobil aerodinamikasining yaxshilanishini ta’minlashga xizmat qiladi.
Acronym dizayneri Xyu kiyim-kechaklardagi futuristik uslubi bilan tanilgan bo‘lib, u o‘zining Instagram’dagi akkaunti orqali Moby X to‘liq elektr energiyasida harakatlanishini tasdiqlagan. “Bir necha oy oldin aqlbovar qilmas loyiha rejada ham yo‘q edi, biroq hamkorlik sehri shunday bo‘ladi! Bunga aloqador barchaga o‘zimning chuqur minnatdorchiligimni bildiraman”, — deb yozadi Xyu.
https://www.instagram.com/p/CJzeJeJF7EO/?utm_source=ig_embed
Bisimoto Porsche’ning “uzun dum” qismini yanada ko‘zga tashlanadigan qilib ishlamoqchi, aynan shu ko‘rinishi sabab model “Mobi Dik” nomini olgan (German Melvillning “Mobi Dik yoki Oq kit” romani — tahr.). Yangilangan versiyaning orqa qismiga kiberpank uslubidagi yorug‘lik diod paneli o‘rnatiladi.
Hozircha Moby X qachon taqdim etilishiga aniqlik kiritilmagan.
Izoh (0)