“Auto.ru” saytida Mercedes-Maybach Pullman S 650 rekord qiymatda — 53,8 million rubl (732 ming dollar) narxida sotuvga qo‘yilgani to‘g‘risida e’lon paydo bo‘ldi. Uni ushbu modeldagi standart avtomobildan boy qo‘shimcha qurilmalari, masalan, yuqori qulaylikka ega o‘rindiqlari ajratib turadi, deb yozadi Motor.
E’londa ko‘rsatilishicha, limuzinning orqa qatori alohida o‘rindiqlar bilan jihozlangan bo‘lib, samolyotdagi birinchi klass o‘rindiqlari kabi ishlangan. Ikkinchi qatordagi yo‘lovchilar ixtiyorida ikkita simsiz naushniklarga ega mediatizim, yig‘ma stolchalar, shampan uchun bokallar jamlanmasi mavjud. Shuningdek, qo‘shimcha jihozlar qatoridan AMG-podveska ham o‘rin olgan.
Pullman S 650 saloni ikki xil rangdagi charm bilan qoplangan — “sarg‘ish shoyi” va “dengiz tubi”. Ikki xil rangdagi salon “Ko‘k antratsit” va “Kumushrang aragonite” jilolalarida ishlangan kuzov bilan uyg‘unlashgan.
Limuzin 630 ot kuchiga ega olti litrli V12 biturbomotori yordamida harakatga kelib, u yetti pog‘onali avtomat uzatmalar qutisi yordamida boshqariladi.
Mavzuga doir:
Izoh (0)