ИИВ ЙҲХББ бошлиғи ўринбосари Эрали Бозоров махсус автоматлаштирилган фото ва видео қайд этиш мосламалари бугунги кунда тўлиқ ишлаётганини маълум қилди, деб хабар беради «Kun.uz».
«Тўғри, олдинроқ бу борада озгина муаммолар бўлган эди. Бу муаммолар ҳозирги кунда ечилган. Ҳозирги кунда бирорта ҳам сертификатдан ўтказилмаган қоидабузарликни аниқлаш мосламаларидан фойдаланилмаяпти. Аввалроқ тезликни ўлчаш (радар) мосламаларида муаммо пайдо бўлган эди. Айни пайтда ушбу фоторадар мосламалари ишлатилмаяпти ҳамда йўлларда ўрнатилган радарлар бугунги кун талабига мос келади», — дейди Эрали Бозоров.
Эслатиб ўтамиз, 2020 йилнинг октябрида Тошкент шаҳри чорраҳаларига Швейцария компанияси томонидан ўрнатилган қоидабузарликларни қайд этувчи видеокузатув мосламаларининг лицензияси тугагани тўғрисида хабар берилганди. Кейинроқ ИИВ Тошкент ҳокимлигининг пойтахт кўчаларидаги камералар лицензияси тугагани тўғрисидаги хабарини рад этиб, лицензиялар муайян муддатга эмас, балки умрбод берилганини маълум қилганди.
Изоҳ (0)