“Namangan suv ta’minoti” MChJ mutaxassislari va avariya xizmati tomonidan Namangan shahridagi yuqori bosimli magistral ichimlik suvi tarmog‘ida sodir bo‘lgan nosozliklar bartaraf etildi, deb xabar beradi “O‘zsuvta’minot” matbuot xizmati.
9-yanvar Andijon shahriga ichimlik suvi yetkazib beruvchi Xonobod—Andijon markaziy suv quvurining Andijon tumani “Xortum” mahallasida joylashgan suv taqsimlash jihozida nosozlik yuzaga kelib, butun shahar ichimlik suvidan uzilgan edi. Suv taqsimlash jihozining yorilishiga ob-havoning keskin sovib ketishi sabab bo‘lgani aytilgan.
“11-yanvar kuni sodir bo‘lgan nosozliklar soat 18:25 da bartaraf etilib, aholi va boshqa iste’molchilarga bir maromda ichimlik suvi yetkazib berish yo‘lga qo‘yildi”, – deyiladi “O‘zsuvta’minot” xabarida.
“Kun.uz” nashrining “Andijon suv ta’minoti” MChJ Andijon shahar filiali rahbari Humoyun Alimovga tayanib ma’lum qilishicha, quvur zulfini almashtirish to‘liq yakunlangan, 11-yanvar oqshomida Xonobod–Andijon markaziy quvuriga suv ochilib, Andijon shahri aholisiga toza ichimlik suvi berish boshlangan.
“Bugun suv quvuri zulfinini almashtirish to‘liq yakunlandi. Soat 23:00 da Andijon shahrining 30 foiz qismiga ichimlik suvi berish boshlandi. 12-yanvardan suv berish hajmi bosqichma-bosqich oshirilib, shahar aholisi 100 foiz suv bilan ta’minlanadi”, – deydi Alimov.
Avvalroq Qashqadaryoda elektr uzilishlari sababli suv ta’minoti to‘xtagani to‘g‘risida xabar berilgandi.
Izoh (0)