Jizzax viloyatining Paxtakor tumanida gaz yo‘qligidan norozi aholi katta yo‘lni to‘sgani to‘g‘risida xabar berilgandi. “Zamon.uz” nashrining Jizzax viloyati “Hududiy gaz ta’minot” matbuot kotibi Zokir Matchanovga tayanib ma’lum qilishicha, Paxtakor tumani gaz yetib kelish qiyin bo‘lgan hududlardan biri hisoblanadi.
Uning aniqlik kiritishicha, gaz quvuriga ulash bo‘yicha ishlar “Sharof Rashidov” mahallasidan boshlangan, biroq “Sharof Rashidov” mahallasiga gaz yetib kelmagani uchun hokimning qarori bilan besh yil oldin gaz quvuri kesib tashlangan. Shu kunga qadar ular suyuq gaz va ko‘mir bilan doimiy ta’minlanishi bo‘yicha hech qanday muammo bo‘lmagan. Lekin aholining aytishicha, bu gaz faqat ovqat tayyorlashgagina yetadi.
Viloyat hokimligining birinchi o‘rinbosari va mutasaddi rahbarlar voqea joyiga chiqib, aholini tinchlantirish maqsadida tushuntirish ishlari olib borilgan. Bir hafta muddatda aholiga tabiiy gaz yetkazib berish va’da qilingan.
O‘zbekistonda so‘nggi yillarda u yoki bu kamchilikdan muttasil aziyat chekayotgan aholining norozilik tariqasida yo‘llarni to‘sib qo‘yishi holatlari tez-tez yuz bermoqda. Xususan, avvalroq Sirdaryodagi “zapravka”da gaz berilmayotganidan norozi haydovchilar yo‘lni to‘sib qo‘ygandi, dekabr oxirida esa Qo‘qondagi mahallalardan birining aholisi gaz va elektr energiyasi ta’minotining yo‘qligi sabab hokimlik qarshisidagi yo‘lni to‘sib qo‘ygan.
Izoh (1)
Daryo shu mavzuga bir qaytib vaziyatni organib qoymaysizlarmi Gaz berilmagan xaligacham yetmaganiday xozir svetni xam ochiryapdi.Yolni tosganida men bundan battari bolmasa kerak deb oylagandim menimcha bular shundan battarini xoxlayapti