“Bavariya” hujumchisi Robert Levandovski Bundesliga 15-turi doirasida 8-yanvar, juma kuni bo‘lib o‘tgan bahsda (2:3) gol urishga muvaffaq bo‘ldi.
Bu polshalik futbolchi uchun Bundesliga joriy mavsumidagi 15 o‘yinda urilgan 20-gol bo‘ldi. Shu tariqa Levandovski mavsumning dastlabki 15 turida 20 ta gol urgan tarixdagi ikkinchi futbolchiga aylandi. Undan avval “Bavariya” sobiq hujumchisi Gerd Myuller 1968/69-yilgi mavsumda bu natijani qayd etgandi.
Polshalik futbolchi 2020-yilda qator nashrlar tomonidan (masalan, Marca, The Guardian, Globe Soccer) yilning eng yaxshi futbolchisi deb topildi. Shuningdek, u FIFA talqiniga ko‘ra yilning eng yaxshi o‘yinchisiga aylandi va “The Best” sovrinini qabul qilib oldi. Avvalroq futbolchi Polshaning 2020-yildagi eng yaxshi o‘yinchisi bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)