Futbol bo‘yicha Angliya Kubogining 1/32 finalida “Tottenhem” 10-yanvar, yakshanba kuni “Marin” maydoniga safar qildi.
Uchrashuvning 24-daqiqada Karlos Vinisius mehmonlarni oldinga olib chiqdi. Biroz vaqt o‘tib londonliklar 7 daqiqa ichida ketma-ket uchta to‘p kiritishga erishdi. Vinisius yana ikkita gol urgan bo‘lsa, Lukas Moura ham o‘z hisobiga gol yozdirib qo‘ydi.
Ikkinchi bo‘limda Joze Mourinyo shogirdlari yana bitta gol urishga muvaffaq bo‘ldi. Zaxiradan maydonga tushgan 16 yoshli Alfi Divayn yakuniy hisobni o‘rnatdi — 0:5.
Shu tariqa “Tottenhem” 8-divizion vakili ustidan yirik g‘alaba qayd etgan holda keyingi bosqichga yo‘l oldi.
Angliya Kubogi
1/32 final bahslari
10-yanvar, yakshanba
“Marin” — “Tottenhem” 0:5
Gollar: 0:1 – 24 Vinisius, 0:2 – 30 Vinisius, 0:3 – 32 Lukas Moura, 0:4 – 37 Vinisius, 0:5 – 60 Divayn.“Marin”: Passant, Hyuz (Hovard, 46), Mayli, Joys, Reyven (Shou, 81), Divayn (Striklend, 75), Hmami (Doyl, 67), Solomon-Devis, Kammins (Uignell, 75), Berrigan, Kenni.
“Tottenhem”: Hart, Alderveyreld (Tanganga, 46), Rodon, Devis (Regilon, 71), Doerti, Lukas Moura (Klark, 65), Alli (Beyl, 65), Sissoko (Divayn, 46), Jedson Fernandesh, Uayt, Vinisius.
Ogohlantirish: Joys (78).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)