Futbol bo‘yicha Italiya A Seriyasining 17-turi o‘rin olgan bir qator uchrashuvlar 10-yanvar, yakshanba kuni bo‘lib o‘tdi.
“Yuventus” o‘z uyida “Sassuolo”ni qabul qildi. Birinchi bo‘lim yakunlanishi arafasida mehmonlar bir o‘yinchi kam bo‘lib qoldi. Pedro Obiang to‘g‘ridan to‘g‘ri qizil kartochka olib maydonni tark etdi.
Ikkinchi bo‘lim debyutida Danilo turinliklarni oldinga olib chiqqan bo‘lsa, oradan ko‘p o‘tmay “Sassuolo” javob to‘pini kiritdi. So‘nggi o‘n daqiqalik avvalida Aaron Remzi mezbonlarning ikkinchi golini urdi. Hakam tomonidan qo‘shib berilgan vaqtda Krishtianu Ronaldu yakuniy hisobni o‘rnatdi.
“Yuventus” 33 ochko bilan musobaqa jadvalining 4-pog‘onasida bormoqda. “Sassuolo” (29) esa 7-o‘rinni band etgan.
“Napoli” jamoasi “Udineze” maydoniga safar qildi. Uchrashuvning 15-daqiqasida Lorenso Insinye penaltini aniq amalga oshirgan holda hisobni ochdi. 27-daqiqada maydon egalari javob to‘pini kiritdi. Barchasi durang tomon ketayotgan bir vaqtda Temue Bakayoko 90-daqiqada “Napoli”ning g‘alaba to‘pini kiritdi.
Jennaro Gattuzo shogirdlari 31 ochko to‘plagan holda 6-o‘rinni egallab turibdi, “Udineze” (16) 14-pog‘onadan joy olgan.
A Seriya
17-tur bahslari
10-yanvar, yakshanba
“Yuventus” — “Sassuolo” 3:1
Gollar: 1:0 – 50 Danilo, 1:1 – 58 Defrel, 2:1 – 82 Remzi, 3:1 – 90+2 Ronaldu.“Yuventus”: Shensni, Demiral, Bonuchchi, Danilo, Frabotta, Bentankur (Rabyo, 46), Artur, Makkenni (Remzi, 19; Morata, 86), Kyeza (Bernardeski, 86), Dibala (Kulusevski, 43), Ronaldu.
“Sassuolo”: Konsilyi, Kirikesh (Ayxan, 86), Myuldyur (Oddey, 73), Kiryakopulos, Ferrari, Obiang, Traore, Lokatelli, Jurichich (Lopes, 46), Kaputo (Tolyan, 46), Defrel (Boga, 67).
Ogohlantirishlar: Bonuchchi (13), Ferrari (17), Bentankur (34), Frabotta (71), Kulusevski (79).
Chetlatish: Obiang (45+1).
“Udineze” — “Napoli” 1:2
Gollar: 0:1 – 15, penalti Insine, 1:1 – 27 Lazanya, 1:2 – 90 Bakayoko.“Udineze”: Musso, Rodrigo Bekao, Bonifatsi, Samir, Molina, de Paul, Arslan (Uolas, 72), Mandragora, Larsen (Zegelar, 72), Pereyra, Lazanya (Nestorovski, 81).
“Napoli”: Meret, Di Lorenso, Manolas (Maksimovich, 16), Rrahmani (Mariu Ruy, 46), Xyusay, Fabian Ruis (Elmaz, 68), Bakayoko, Losano, Zelinski (Demme, 90), Insinye, Petanya (Lyorente, 68).
Ogohlantirishlar: Di Lorenso (37), Arslan (43), Samir (67), Zegelar (86).
“Parma” — “Latsio” 0:2
Gollar: 0:1 – 55 Luis Alberto, 0:2 – 67 Kaysedo.“Verona” — “Krotone” 2:1
Gollar: 1:0 – 16 Kalinich, 2:0 – 25 Dimarko, 2:1 – 55 Junior Messias.“Fiorentina” — “Kalyari” 1:0
Gol: 1:0 – 72 Vlaxovich.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)