Bentley xodimlari Britaniyaning Autocar jurnalistlari bilan birgalikda Kryuda joylashgan fabrikasidagi biologik xilma-xillikning saqlab qolish yo‘lida qayg‘urmoqda. Bentley kampusining hududiga chug‘urchuqlar va ko‘rshapalaklar uchun maxsus uychalar joylashtirildi — qutilar tayoqqa qotirilgan bo‘lib, uning yoniga tegana ilingan, deb xabar beradi Motor.
Bentley Kryudagi korxonasini ekologik neytral va atrof-muhitga minimal darajada zarar yetkazadigan qilmoqchi. Kompaniyadagilarning aytishicha, Bentley fabrikasining devorlari yetarli darajada qalin bo‘lgani sabab qushlar unga uya qura olmaydi, ko‘rshapalaklarga ham tunash uchun joy kerak. Yangi uychalarni o‘rnatilishi esa muammoni qisman hal etadi.
Bentley kompaniyasi ushbu uyalarni yaratish bilan shug‘ullanmaydi: yog‘och qutilar chetdan xarid qilingan, Britaniya firmasi duradgorlari esa uni “brendlash” bilan shug‘ullangan. Bentley logotipi tushirilgan uyalarning o‘ziga xosligi yo‘q: ular bitta seksiyali oddiy quti bo‘lib, ichiga gorizontal planka o‘rnatilgan.
Ma’lumot uchun, Bentley kompaniyasi bunga qadar asalari uyalarini ham yaratgan. Kryudagi kampusda 1,5 yil ichida 300 mingta asalari uchun beshta uya o‘rnatilgan va o‘tgan yili birinchi “hosil” yig‘ib olingan.
Izoh (0)