WhoScored «Женоа» — «Лацио» учрашувида футболчилар олган балларни эълон қилди. Элдор Шомуродов энг яхшилардан бири

«Женоа» ҳужумчи Элдор Шомуродов А Серия 15-тури доирасида 3 январь куни «Лацио»га қарши кечган ўйинда (1:1) майдонга тушди.

Ўзбекистонлик футболчи иккинчи бўлим бошида захирадан майдонга қўшилди ва кўп ўтмай голли узатма амалга оширди.

Ўйиндан сўнг WhoScored портали ушбу учрашув футболчилари рейтингини эълон қилди. Унга кўра, Шомуродов 6,8 баллга лойиқ кўрилган. Бу «Женоа» футболчилари орасидаги 4-энг яхши натижа бўлди.

Шомуродов ўзи ҳаракат қилган 45 дақиқа давомида голли узатмадан ташқари уч марта дарвоза томон зарба берди, битта муваффақиятли дриблинг ишлатди. Элдор 11 та узатма амалга оширди ва уларнинг 8 таси (73%) аниқ чиқди. Шунингдек, футболчи 9 бор яккакурашларга киришиб, уларнинг иккитасида ғолиб чиқди.

Яна бир таҳлилий портал — SofaScore Шомуродовга 7,2 балл қўйган.