Sharshara, orol va yurak. Turmush o‘rtog‘iga g‘ayrioddiy sovg‘alar ulashgan mashhur ayollar (foto)

Dunyo yulduzlarini g‘ayrioddiy narsalar bilan ham ajablantirish qiyin, ammo ular o‘z yaqinlarini maxsus sovg‘alar bilan xursand qilishga muvaffaq bo‘ladi. Ayniqsa, ular orasidan Anjelina Joli, Kim Kardashyan va Viktoriya Bekxem bunday ishni a’lo darajada uddalaydi.

Kim Kardashyan

Ikki yil avval Kim Kardashyanga Yaponiyaning Louis Vuitton butikidan mashhur brendning ajoyib dizayndagi 750 funt sterling (1000 dollar) narxda sotilayotgan sumkasi juda manzur kelgan. Kardashyan ushbu sumkadan nafaqat o‘ziga, balki ikkita qiziga va uchta jiyani uchun ham xarid qilgan. Bundan tashqari u turmush o‘rtog‘ini ham xursand qilish uchun yana uchta sumka sotib olgan.

Anjelina Joli

Anjelina Jolining sovg‘asi Kardashyannikidan ham ajoyib bo‘lib, u Bred Pittga Los-Anjelesda joylashgan o‘zining sharsharasini taqdim etdi. Gollivud yulduzi bunday saxiylikni 2011-yil amalga oshirgan. Keyin ular sharshara oldida hashamatli oilaviy qasr qurishni ham rejalashtirgan. Joli turmush o‘rtog‘i arxitekturani qanchalar yaxshi ko‘rishini bilgani uchun ham sovg‘a sifatida eng maqbul variantni tanlagan edi.

Oradan ikki yil o‘tib Joli Pittni avvalgidan ham ko‘ra ko‘proq xursand qilishga muvaffaq bo‘ldi. Bu safar u, taxminan, 16,4 million dollardan qimmatroq turuvchi orolni hadya qildi.

Viktoriya Bekxem

Viktoriya turmush o‘rtog‘i Devidga 2014-yil bayram sovg‘asi uchun juda ko‘p pul sarflagan. U London galereyasidan zamonaviy yoritish moslamasini sotib olgan. Neon yurak va uning ichidagi “Men sevgingni bilaman va his qilaman” degan yozuv yulduzga 100 ming dollardan ko‘pga tushgan.

Jastin Biber

Musiqachi sevimli rafiqasi Xeyliga ajoyib sovg‘alar taqdim etadi. Ammo 6 yil avval – hali oila qurmasidan oldin Yangi yilda o‘zi uchun ajoyib sovg‘a hozirlagan. Jastin 60 million dollardan ko‘proq pulini xususiy samolyot sotib olishga sarflagan. Charm o‘rindiqlar, dam olish maskani – yulduz hashamat borasida o‘zini xafa qilmaydi.