Шаршара, орол ва юрак. Турмуш ўртоғига ғайриоддий совғалар улашган машҳур аёллар (фото)

Дунё юлдузларини ғайриоддий нарсалар билан ҳам ажаблантириш қийин, аммо улар ўз яқинларини махсус совғалар билан хурсанд қилишга муваффақ бўлади. Айниқса, улар орасидан Анжелина Жоли, Ким Кардашьян ва Виктория Бекхем бундай ишни аъло даражада уддалайди.

Ким Кардашьян

Икки йил аввал Ким Кардашьянга Япониянинг Louis Vuitton бутикидан машҳур бренднинг ажойиб дизайндаги 750 фунт стерлинг (1000 доллар) нархда сотилаётган сумкаси жуда манзур келган. Кардашьян ушбу сумкадан нафақат ўзига, балки иккита қизига ва учта жияни учун ҳам харид қилган. Бундан ташқари у турмуш ўртоғини ҳам хурсанд қилиш учун яна учта сумка сотиб олган.

Анжелина Жоли

Анжелина Жолининг совғаси Кардашьянникидан ҳам ажойиб бўлиб, у Бред Питтга Лос-Анжелесда жойлашган ўзининг шаршарасини тақдим этди. Голливуд юлдузи бундай сахийликни 2011 йил амалга оширган. Кейин улар шаршара олдида ҳашаматли оилавий қаср қуришни ҳам режалаштирган. Жоли турмуш ўртоғи архитектурани қанчалар яхши кўришини билгани учун ҳам совға сифатида энг мақбул вариантни танлаган эди.

Орадан икки йил ўтиб Жоли Питтни аввалгидан ҳам кўра кўпроқ хурсанд қилишга муваффақ бўлди. Бу сафар у, тахминан, 16,4 миллион доллардан қимматроқ турувчи оролни ҳадя қилди.

Виктория Бекхем

Виктория турмуш ўртоғи Дэвидга 2014 йил байрам совғаси учун жуда кўп пул сарфлаган. У Лондон галереясидан замонавий ёритиш мосламасини сотиб олган. Неон юрак ва унинг ичидаги «Мен севгингни биламан ва ҳис қиламан» деган ёзув юлдузга 100 минг доллардан кўпга тушган.

Жастин Бибер

Мусиқачи севимли рафиқаси Хейлига ажойиб совғалар тақдим этади. Аммо 6 йил аввал – ҳали оила қурмасидан олдин Янги йилда ўзи учун ажойиб совға ҳозирлаган. Жастин 60 миллион доллардан кўпроқ пулини хусусий самолёт сотиб олишга сарфлаган. Чарм ўриндиқлар, дам олиш маскани – юлдуз ҳашамат борасида ўзини хафа қилмайди.