Futbol bo‘yicha Angliya Premyer Ligasining 16-turidan o‘rin olgan ikki o‘yin 28-dekabr, dushanba kuni bo‘lib o‘tdi.
“Chelsi” o‘z maydonida “Aston Villa”ni qabul qildi. Uchrashuvning 34-daqiqasida Olivye Jiru londonliklarni oldinga olib chiqdi. Bunga mehmonlar ikkinchi bo‘lim debyutida Anvar al-G‘ozining kiritgan to‘pi bilan javob berdi. Qolgan vaqtda hisob o‘zgarmadi va Frenk Lempard jamoasi yana ochko yo‘qotdi.
“Chelsi” 26 ochko bilan hozircha 6-o‘rinda bormoqda, “Aston Villa” (26) 5-pog‘onada joy olgan.
Yana bir uchrashuvda “Lester” jamoasi “Kristal Pelas” mehmoni bo‘ldi. Ikkinchi bo‘lim avvalida maydon egalari Uilfrid Zahaning goli evaziga oldinga o‘tib oldi, 83-daqiqada Harvi Barns hisobni tenglashtirishga muvaffaq bo‘ldi.
“Lester” ochkolarini 29 taga yetkazib olgan holda 2-o‘ringa ko‘tarildi, “Kristal Pelas” (19) esa 13-pog‘onada bormoqda.
APL
16-tur bahslari
28-dekabr, dushanba
“Chelsi” — “Aston Villa” 1:1
Gollar: 1:0 – 34 Jiru, 1:1 – 50 al-G‘ozi.“Chelsi”: Mendi, Kristensen, Chiluell, Aspilikueta, Ryudiger, Maunt, Kante, Hadson-Odoi, Jorjinyo (Haverts, 72), Pulishich, Jiru (Verner, 72).
“Aston Villa”: Martines, Kesh, Konsa, Targett, Hoz, Grilish, Duglas Luis, Makginn, al-G‘ozi (Remzi, 82), Traore (Devis, 87), Uotkins.
Ogohlantirishlar: Aspilikueta (45), Jiru (71), al-G‘ozi (71), Kante (74).
“Kristal Pelas” — “Lester” 1:1
Gollar: 1:0 – 58 Zaha, 1:1 – 83 Barns.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)