Футбол бўйича Англия Премьер Лигасининг 16-туридан ўрин олган икки ўйин 28 декабрь, душанба куни бўлиб ўтди.
«Челси» ўз майдонида «Астон Вилла»ни қабул қилди. Учрашувнинг 34-дақиқасида Оливье Жиру лондонликларни олдинга олиб чиқди. Бунга меҳмонлар иккинчи бўлим дебютида Анвар ал-Ғозининг киритган тўпи билан жавоб берди. Қолган вақтда ҳисоб ўзгармади ва Фрэнк Лэмпард жамоаси яна очко йўқотди.
«Челси» 26 очко билан ҳозирча 6-ўринда бормоқда, «Астон Вилла» (26) 5-поғонада жой олган.
Яна бир учрашувда «Лестер» жамоаси «Кристал Пэлас» меҳмони бўлди. Иккинчи бўлим аввалида майдон эгалари Уилфрид Заҳанинг голи эвазига олдинга ўтиб олди, 83-дақиқада Ҳарви Барнс ҳисобни тенглаштиришга муваффақ бўлди.
«Лестер» очколарини 29 тага етказиб олган ҳолда 2-ўринга кўтарилди, «Кристал Пэлас» (19) эса 13-поғонада бормоқда.
АПЛ
16-тур баҳслари
28 декабрь, душанба
«Челси» — «Астон Вилла» 1:1
Голлар: 1:0 – 34 Жиру, 1:1 – 50 ал-Ғози.«Челси»: Менди, Кристенсен, Чилуэлл, Аспиликуэта, Рюдигер, Маунт, Канте, Ҳадсон-Одои, Жоржиньо (Ҳаверц, 72), Пулишич, Жиру (Вернер, 72).
«Астон Вилла»: Мартинес, Кеш, Конса, Таргетт, Ҳоз, Грилиш, Дуглас Луис, Макгинн, ал-Ғози (Рэмзи, 82), Траоре (Дэвис, 87), Уоткинс.
Огоҳлантиришлар: Аспиликуэта (45), Жиру (71), ал-Ғози (71), Канте (74).
«Кристал Пэлас» — «Лестер» 1:1
Голлар: 1:0 – 58 Заҳа, 1:1 – 83 Барнс.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)