Ijtimoiy tarmoqlarda ichki ishlar organi xodimining mast ahvolda jamoat tartibini buzayotganligi tasvirlangan video tarqaldi. IIV axborot xizmatining ma’lum qilishicha, ushbu xodim ishdan bo‘shatildi.
Videoda IIV Transportda xavfsizlikni ta’minlash bosh boshqarmasi xodimi A.A. xizmat kiyimida mast holda jamoat tartibi hamda IIVning me’yoriy buyruq talablarini qo‘pol ravishda buzgani tasvirlangan.
“Ichki ishlar organi xodimining sha’niga putur yetkazuvchi xatti-harakatlar sodir etgani, xodimlarga nisbatan fuqarolar tomonidan salbiy fikrlar uyg‘onishiga sababchi bo‘lgani uchun ichki ishlar organlaridan bo‘shatildi”, — deyiladi xabarda.
Avvalroq Ohangaronda to‘xtatilgan haydovchiga “masxarabozlik qilgan” YPX xodimi lavozimidan ozod qilingani, Navoiyda haydovchining soqol qo‘yganiga e’tiroz bildirgan YPX xodimi ustidan xizmat tekshiruvi boshlangani, shuningdek, Sirdaryoda haydovchining telefonini olib qo‘ygan YPX xodimi lavozimidan ozod etilgani haqida xabar berilgandi.
Izoh (0)