Samarqand va Qashqadaryoni bog‘lovchi Taxtaqoracha dovoni muzlamalar sababli 27-dekabr, yakshanba kuni vaqtincha yopilgandi. YHXBB matbuot xizmatining xabar berishicha, ayni paytda dovonda avtotransport vositalari harakati tiklandi.
Xabarda aytilishicha, yo‘llarni qordan tozalash ishlari olib borilib, muzlamalarni eritish uchun qum-tuz aralashmalari sepilib zaruriy choralar ko‘rildi. Ayni vaqtda dovon yo‘lida avtotransport vositalari harakatiga ruxsat berilib, qatnov davom etmoqda.
YHXBB haydovchilardan ehtiyotkor bo‘lishni, ob-havo va yo‘l sharoitini inobatga olib transport vositasini boshqarishni so‘ragan.
Izoh (0)